Oifigeach For-Rochtana Pobail

Is cumann CLG lán-Ghaeilge é Laochra Loch Lao CLG atá lonnaithe in iarthar Bhéal Feirste. Bunaíodh an cumann in 2006 mar chomhchumann le deiseanna labhartha Gaeilge a chur ar fáil do dhaoine ar spéis leo CLG a imirt trí Ghaeilge. I 2017, bhunaigh muid an cumann go neamhspleách agus tháinig na foirne faoi aois ag an am seo agus tá borradh tagtha faoin chumann ó shin. Anois tá breis is 15 foireann ag an chlub ag freastal ar beagnach 300 ball imeartha agus táimid ag súil go mbeidh dúbailt air sin sna 5 bliana amach romhainn..

Áit: Oifig Fhís an Phobail, Gaelionad Mhic Goill, 4 Clós na Carraige Báine, Béal Feirste, BT12 7RG

Freagrach do: Coiste Oifigeach CLG Laochra Loch Lao

Téarma: Conradh 3.5 bliana

Critéir Riachtanach don Oifigeach For-rochtana Pobail

Beidh na tréithe seo a leanas ag an té a cheapfar.

• Ardchaighdeán Gaeilge idir labhartha agus scríofa
• Céim 3ú leibheál 
• Duine fuinniúil gníomhach féinmhuiníneach, le hardscileanna idirphearsanta, a dtig leis/léi obair a dhéanamh as a stuaim féin agus mar chuid d’fhoireann.
• Taithí leathan ag aimsiú agus ag tuairisciú ar dheontais maoinithe
• Cumas ardchaighdeán agus taithí ar úsáid bogearraí Microsoft Office, Word, Excel agus PowerPoint san áireamh
• Ceadúnas tiomána agus rochtan ar charr don obair
• Ar a laghad trí bhliain de thaithí ag bainistiú tionscadail ina bhfuil éilimh agus sciarshealbhóirí éagsúla le sásamh
• Taithí ar fhorbairt agus bainistiú cláracha spóirt pobail
• Compordach ag cothú caidreamh le muinteoirí, páistí, tuismitheoirí agus coitséalaithe agus an-eifeachtach ag bainistiú caidreamh le réimse leathan daoine
• Ard-scileanna pleanála maidir le tionscadail a ullmhú, agus a fhorbairt, agus maidir le hathbhreithniú agus an tuairisciú / measúnú cuí a dhéanamh ina leith;
• Taithí shonrach ar bhainistíocht airgeadais agus buiséid, agus ar fhreagracht a ghlacadh as tuairiscithe airgeadais a ullmhú;
• Ard-scileanna cumarsáide, margaíochta agus poiblíochta, i gcomhthéacs na meáin shóisialta agus na meán thráidisiúnta araon;

Critéir inmhianaithe:

Taithí a bheith ag plé le togra atá ag fás go tapaidh

• Taithí ag plé le grúpaí agus forbairt pobail i gcomhthéacs tiomsaithe airgid
• Cáilíochtaí cuí cóitséala (Gradam CLG Leibhéal 1 nó níos airde) nó a mhacasamhail
• Taithí ar fhorbairt pearsanta/coitséala a eascú do dhaoine eile.
• Eolas agus tuiscint mhaith ar pholasaí Rialtais reatha maidir le daoine óga agus cúrsaí spóirt
• Tuiscint ar chlubanna beaga CLG

Is fostóir comhionann Laochra Loch Lao CLG.

Iarrtar ar dhaoine ar spéis leo cur isteach ar an phost seo, foirm iarratais a iarraidh trí rphost a chur chuig Seán Ó hEacháin: secretary.laochralochlao.antrim@gaa.ie 

Spriocdháta iarratais: 9 Aibrean 2025 ag 5pm

Agallaimh Céadaoin 16ú Aibrean 2025